Recursos educativos
Educar na cultura da sostibilidade e a cooperación
Materiais didácticos
Temos claro que queremos cambiar o noso mundo, tecer un futuro social e ambientalmente máis xusto. Un mundo no que sexa a cidadanía, e non as institucións de poder e empresas, a que "manexe os fíos". Pero para iso necesitamos coñecer novas ferramentas de traballo, baseadas na cooperación e espírito crítico e transformador.
Navega entre os materiais didácticos que as diferentes organizacións e colectivos poñen á túa disposición para traballar en educación ambiental e educación para o desenvolvemento. Anímate a levalos á práctica e non dubides en compartir a túa experiencia.
Documentos teóricos
Do mesmo xeito que é importante ter ferramentas de traballo, a agulla e fío coas que tecer, tamén é fundamental reflexionar e clarificar a orientación do cambio: que novo traxe queremos lucir!
Aproxímate ás bases teóricas do traballo de educación ambiental e educación para o desenvolvemento. Coñece tamén os principais acordos internacionais e políticas dos nosos Estados para favorecer unha cultura da sustentabilidade e cooperación. E non dubides en compartir aqueles materiais que consideres de interese.
Experiencias educativas
O traballo educativo en cultura da sostibilidade e cooperación non é un camiño novo. Xa son moit@s as persoas, estudantes e educador@s, que teceron previamente interesantes iniciativas nesta liña.
No traballo de investigación en centros escolares puidemos apreciar que é moito o que a comunidade educativa estades a facer para acadar sociedades máis xustas e sustentables. Neste apartado iremos colgando experiencias educativas que queirades compartir, para que o que traballes non quede encerrado entre as paredes da túa aula ou organización. Tes moito que mostrar!