top of page
Varios dos recursos están accesibles a través da web. Clica sobre a imaxe e compróbao.
Temos claro que queremos cambiar o noso mundo, tecer un futuro social e ambientalmente máis xusto. Un mundo no que sexa a cidadanía, e non as institucións de poder e empresas, a que "manexe os fíos". Pero para iso necesitamos coñecer novas ferramentas de traballo, baseadas na cooperación e espírito crítico e transformador.
Navega entre os materiais didácticos que as diferentes organizacións e colectivos poñen á túa disposición para traballar en educación ambiental e educación para o desenvolvemento. Anímate a levalos á práctica e non dubides en compartir a túa experiencia
 Conoce y valora el cambio climáticoPropostas para traballar en grupo dirixidas inicialmente a estudantes de secundaria, pero de interese para traballar coa poboación en xeral. Material desenvolto polo Grupo SEPA de investigación da USC e financiado a cargo da Fundación MAPFRE. É o resultado dun proceso de reflexión asociado a unha importante traxectoria do Grupo no estudo das representacións sociais do cambio climático. |  Actúa con cuidadosMaterial da ONGD InteRed para traballar a educación para o desenvolvemento e a cidadanía global con enfoque interdisciplinar. Aínda que está pensada fundamentalmente para a escola, moitas das súas actividades poden desenvolverse en espazos non escolares que tamén están comprometidos coa construción dun mundo mellor. |  Red TransformaNo marco da Rede “Transforma” de Centros Educativos para o Desenvolvemento e a Cidadanía Global, promovida pola ONGD InteRed, ponse a disposición de toda a comunidade educativa unha selección de materiais e recursos didácticos de Educación para o Desenvolvemento coherentes co enfoque de Cidadanía Global. Navega entre os recursos propios da entidade, así como doutras organizacións que traballan nesta temática. |
|---|---|---|
 Nuestro medio ambienteO Centro Cultural Poveda (República Dominicana) ofrece esta publicación na que, a modo de cápsulas que encerran sementes de coñecemento, favorece un achegamento sinxelo ás cuestións de maior interese para a cidadanía en relación á problemática ambiental, centrando a súa atención na realidade Dominicana. |  Medio ambiente y desarrolloA quen nos preocupan os dereitos das persoas e da natureza defendemos un concepto de desenvolvemento que vai máis aló do crecemento económico. Esta é a idea de fondo nesta publicación editada polo Centro Cultural Poveda (República Dominicana), na que se propón unha lectura do mundo que atende á problemática ambiental, a explotación de recursos, a pobreza e a desigualdade como elementos a atender á hora de promover un desenvolvemento sustentable, xusto e respectuoso coa vida |  Cc. Naturaleza y DDHHO Centro Cultural Poveda (República Dominicana) propón, a través desta publicación, un enfoque interdisciplinar de educación en ciencias da natureza, ligando a súa abordaxe á cuestión dos dereitos humanos. Un material orientado á práctica docente que parte dunha análise que nos permite situarnos nesta perspectiva de traballo, rompendo coa tradicional disociación ser humano-natureza,e sobre estas bases ofrece unha serie de propostas educativas para a súa abordaxe na escola |
bottom of page